病人集體欺騙醫療保險
1. 有一個book咗農曆新年澳門酒店。平時澳門酒店都已經咁$$$$，新年又多人到痴肺，係強國人先至有錢喺個段時間入住。自問真係一晚靚澳門酒店都冇住過。咁嘅價錢，我寧願買船飛番HK瞓返自己張床。
外國人同我講佢「有啲事」要cancel酒店。但係酒店話冇強而有力嘅原因係唔會退番錢俾佢。佢幫我諗定我故仔，話傷風感冒呢就最多都係比一個禮拜病假，依家佢哋農曆新年仲有十幾日好似講唔通。但係我整親背脊呢就可以話我搭唔到船過大海，所以就唔去得澳門，唔住得酒店，所以就可以退錢。
你真係細心體貼入微，多L謝你呀！幫我諗埋點樣呃人呀！
2. 老/八婆話：「我幫我老公攞藥，我老公係深圳好病所以落唔到黎。」第一，我要見本人。第二，點可以用你張醫療卡幫人哋攞藥。第三，我都唔知你老公係乜水？
第二日當啊老公嚟到嘅，其實係啱啱有少少喉嚨痛，唔係老婆所謂嘅大感冒。佢精神過我同你好唔好？
3. 今期幼稚園咪話提早放農歷新年假嘅？有個阿媽話因為要喺屋企睇住阿女，所以想攞病假。跟住就扮咳兩聲話自己真係病啊，但係加好句「哈哈哈。！」咁佢放足三、四個禮拜你係咪又要放足三、四個禮拜呢？
～～～
試咗呢間 all day breakfast，佢用紅茶沖果醬，出奇地好飲呀！
Search